VHOMME VHA RE MIṄWAHANI YA VHUFUMI NA U MAMISA

Arali ni mme ane a kha ḓi vha muswa nga mimwaha, ni nga kha ḓi ḓivhudzisa uri ni ḓo kona hani u ṱhogomela ṅwana, u mu mamisa na u vhuyelela tshikoloni. U mamisa ndi nḓila i leluwaho, i takadzaho ine inwi na ṅwana waṋu na ḓivhana ngayo. U mamisa naho hu hufhio hu khwine u fhira u sa mamisa na luthihi.

​

NDI ZWA NDEME URI VHOMME VHA RE MIṄWAHANI YA VHUFUMI VHA MAMISE

U vha mme ndi mushumo munzhi – u mamisa zwi ita uri zwi leluwe nahone a zwi ḽi masheleni.

Vhana vhane vha mamiswa a vha anzeli u lwala – a ni dzuleli u vhilaela, a ni ṱwi ni tshi khou ya kiliniki na u lova tshikolo kana na si kone u vhona dzikhonani.

U mamisa zwi ita uri zwi leluwe u pfesesa ṅwana waṋu nahone zwi ita uri ni vhe mme a re na fulufhelo.

U mamisa a zwi dini: ni nga zwi ita huṅwe na huṅwe, tshifhinga tshiṅwe na tshiṅwe nahone mikando yaṋu i dzula i tshi khou dudela nga nḓila yo teaho.

A ni anzeli u ya maḓuvhani musi ni tshi mamisa lunzhi nahone muvhili u fhungudzea nga nḓila ya lwa nzulele.

​

MUSI NI TSHI THOMA U MAMISA

Ni nga kha ḓi sa ḓivha uri no dzudzanya u mamisa lwa tshifhinga tshingafhani. Lingedzani maḓuvha a si gathi kana vhege dzi si gathi.

U mamisa a zwi nga ḓo ita uri maḓamu aṋu a dzengame – tshivhumbeo na vhuhulwane ha maḓamu aṋu zwi vha zwo no ḓi shanduka tshifhingani tsha vhuimana.

Ambani na khonani kana muṅwe muthu ane na mu fulufhela we kona u mamisa ṅwana nga nḓila i bvelelaho.

A wongo tea u pfa vhuṱungu musi ni tshi mamisa ṅwana – humbelani thuso arali ni tshi konḓelwa u mamisa kana ni tshi pfa vhuṱungu. Arali na mamisa ṅwana no dzula zwavhuḓi nahone ṅwana o dzhenisa mulomo woṱhe kha ḓamu a ni nga ḓo pfa vhuṱungu kha ṱhungu.

Musi ṅwana waṋu a tshi mama lunzhi, na mikando yaṋu i ḓo engedzea. Litshani ṅwana waṋu a mame lunzhi nga hune a funa ngaho ni lingedze u fhedza tshifhinga tshinzhi ni tshi khou ḓowela kubebwa kwaṋu.

​

U VHUYELELA TSHIKOLONI

Arali na dzhia tsheo ya u vhuyelela tshikoloni, lingedzani u lindela u swikela hu tshi fhela miṅwedzi mivhili. Zwi vhonala uri nga murahu ha tshenetsho tshifhinga ṅwana waṋu u ḓo vha e na zwe a zwi ḓowela nahone zwi ḓo leluwa u dzudzanya ḓuvha ḽaṋu.

Arali na bvela phanḓa ni tshi khou mamisa musi no no vhuyelela tshikoloni, ni nga hamulela mikando kha tshiṅwe tshithu na i sia na muṱhogomeli wa ṅwana. Ni nga thoma u ḓiḓowedza vhege dzi si gathi ni sa athu vhuyelela tshikoloni.

Dzudzanyani u fhedza tshifhinga na ṅwana waṋu hayani musi ni tshi bva tshikoloni, ni ḓiṋee na tshifhinga tsha u guda na u ṱwa na dzikhonani.

U ṱhogomela ṅwana na u ya tshikoloni zwi ḓo leluwa nga u ya ha tshifhinga.

Vhomme vhanzhi vhane vha kha ḓi vha vhaswa nga miṅwaha vha xelelwa nga khonani musi vha tshi vha na vhana, fhedzi vha dovha vha wana dziṅwe khonani. Ivhani na vhukonani na vhaṅwe vhomme kana khonani vhane vha nga ni tikedza.