KU KHUMBANISA NHLONGE

Ku khumbanisa nhlonge i ndlela yo khathalela n’wana wawena. Tlakula n’wana a ambale lerhi ntsena, u n’wi veka eka mavele yawena. Vamanana va nga khumbanisa nhlonge ni vana loko va sungula ku va an’wisa, loko va tlhela va va an’wisa kumbe nkarhi wun’wana ni wun’wana loko wena kumbe n’wana a tsakela ku endla tano.
 

KU TLAKULA N’WANA WAWENA MI KHUMBANISE NHLONGE I SWA NKOKA HIKUVA:

• Swi endla leswaku n’wana wawena a titwa a sirhelelekile.

• Swi endla leswaku tiva n’wana wawena ni ku tiyisa vuxaka.

• Swi endla leswaku wena ni n’wana wawena mi phyuphywa.

• Swi engetela mafi yawena.

• Swi pfuna ku engetela ntikelo wa vana.

• Swi pfuka ku endla leswaku mpimo wa chukele ra vana wu va exiringanisweni lexinene.

• Swi nga rhurisa n’wana loyi a rilaka.

• Swi pfuna ku endla leswaku mbilu ni mahahu ya n’wana swi tshama swi ri karhi swi tirha kahle.

• Swi pfuna ku ringanisela mahiselo ya miri wa n’wana wawena naswona loko u ri ni mahahlwa, ku veka mahahlwa eka mavele swi endla leswaku vele rin’wana ni rin’wana ri kufumela, ku nga leswi mahahlwa ya swi lavaka. ng

• Loko n’wana wawena a velekiwe nkarhi wu nga si fika kumbe a ri ntsongo swinene, ku tshamela ku khumbanisa nhlonge swi a ponisa vutomi bya yena.

• Ku khumbanisa nhlonge swi endla leswaku vana va tshamiseka.

​

Vatatana na vona va nga khumbanisa nhlonge ni vana vavona!

 

TIYIMISELE KU KHUMANISA NHLONGE

• Hluvula hembe ni bra yawena. Hluvula swiambalo hikwaswo swa n’wana. U n’wi siya hi lerhi ntsena.

• Loku ku ri leswaku kamara ra titimelanyana, mi nga tifunengeta hi nkumba.

• Veka n’wana exikarhi ka mavele yawena – mi khumbana hi xifuva. Milenge ni mavoko ya n’wana swi kotseka, tanihi chela leritsongo.

• Tiyiseka leswaku n’wana wa swi kota ku hefemula – marhama ya n’wana ma ri eka nhlonge yawena. Nhloko ya n’wana yi fanele yi va ekusuhi lerova u swi kota ku n’wi ntswontswa.

• 
  ekusuhi ni n’wana.Tshama exitulwini kumbe emubedweni. U nga veki swikhigelo kumbe mikumba

 

KU KHUMBANISA NHLONGE EKA MUTSWARI NI N’WANA UN’WANA NI UN’WANA

Xana swi hlayisekile? Ina, loko wena ni n’wana wawena mi tshame kahle naswona ku ri hava mikumba kumbe swikhigelo swin’wana.

Xana ndzi nga khumbanisa nhlonge ni mahahlwa? Ina, u veke n’wana eka vele lerin’wana, un’wana a ri eka lerin’wana, u nga ha swi kota ku khumbanisa nhlonge.

Ndzi nga endla yini loko ndzi nga titwi kahle? Byela un’wana leswaku a wu titwi kahle lerora u nge swi koti ku tlakula n’wana wawena.

Ndzi nga endla yini loko n’wana wamina a velekiwe nkarhi wu nga si fika? U nga khumbanisa nhlonge na yena leswaku a tshamiseka.

Ndzi fanele ku sungula rini ku khumbanisa nhlonge? U nga sungula loko n’wana a ha ku velekiwa.

Xana ndzi nga ha khumbanisa nhlonge loko n’wana a kurile? Ina, ku khumbanisa nhlonge i swa nkoka ni le ka vana lavakulu.

Xana ku khumbanisa nhlonge swi ta ndzi pfuna leswaku ndzi va ni mafi yotala? Ina, ku khumbanisa nhlonge swi nga pfuna n’wana wawena leswaku a kota ku nghenisa nhlungu enon’weni, a an’wa ku antswa. Loko n’wana a an’wa mi khumbanise nhlonge, mavele yawena ma ta humesa mafi yotala.